Бишкек, Кыргыз Республикасы,  2020-жылдын 28-февралы - Highland Capital    терең кубаныч менен фонддун капиталы 23 миллион АКШ долларына чейин жогорулагандыгын маалымдайт.

8 млн АКШ доллары   өлчөмүндө инвестиция бөлө турган Европа реконструкция жана өнүгүү банкы (ЕРӨБ ) Фонддун дагы бир ири инвестору болду. Фонд 2018-жылдын август  айында түзүлүп, алгач 15 миллион АКШ доллары өлчөмүндө башталгыч капиталды тарта алган, анын 8 миллион АКШ доллары Эл аралык каржы корпорациясынан (IFC), жана калган 7 миллиону Кыргызстандын жана АКШнын жеке инвесторлору тарабынан берилген.

Фонд түзүлгөн күндөн тартып жергиликтүү компанияларга инвестицияларды активдүү бөлүп келет жана  алдыдагы эки жыл бою капиталдык салымдарды жүргүзүүгө умтулууда.  

Highland Capital  башкы өнөктөшү  Жумашукуров Чолпон: «Европа реконструкция жана өнүгүү банкын биздин жаңы инвесторубуз катары кабыл алуу биз үчүн өтө чоң кубаныч. Аталган банктын  Фонддун капиталына салым кошуусу Кыргызстандын түз инвестициялар рыногунун өнүгүүсүнө жана жалпысынан экономикага салым кошмокчу».

Фонд тейлөө, айыл чарбалык кайра иштетүү, жеке медицина, билим берүү, телекоммуникация, медиа жана маалымат технологиялары тармагында иштеген жергиликтүү компанияларга түз жана мезониндик инвестицияларды бөлүүгө багытын жана өз ишин улантууда. Инвестициялардын өлчөмү 800 миң АКШ долларынан 3 миллион АКШ долларына чейин болот.

Европа реконструкция жана өнүгүү банкы (ЕРӨБ)  тууралуу

Европа реконструкция жана өнүгүү банкы (ЕРӨБ)   – ачык рыноктук экономиканы өнүктүрүүгө көмөк көрсөтүп келген жана негизги ролу Борбордук жана Чыгыш Европа өлкөлөрүн жана КМШ өлкөлөрүн колдоо болуп эсептелген   эл аралык уюм. ЕРӨБ 1991-жылы түзүлгөн, ошол учурдан тартып тарыхый мааниге ээ иштерди аткаруу менен 5600дөн ашык долбоорлорго 140 миллиард евродон ашык өлчөмдө инвестиция бөлүп, аймакта жана чет жакада өзгөрүүлөргө көмөк көрсөтүүдө өзгөчө тажрыйбага ээ болду.

Жеке курулуш компаниясы жана  Highland Capital Бишкек шаарында жаңы заманбап бизнес борборду куруу үчүн өнөктөштүк жөнүндө макулдашышты. Инвестициялардын көлөмү $1.6 млн түзөт.

Highland Capital 1,800,000 АКШ доллар өлчөмүндө Icon Development  девелопердик компаниясына инвестиция бөлүнөрүн жарыялады.

Алынган инвестициялар Бишкек шаарынын түштүк бөлүгүндө жайгашкан жана немистик   каптоо материалын – клинкерди колдонуу менен жасалган  инновациялык архитектуралык түзүлүштөрү менен айырмалануучу «Малина» жаңы, заманбап турак-жай комплексинин курулушуна жумшалат.  

«Highland Capital менен өнөктөштүгүбүздүн негизинде жаңы архитектураны жаратуу менен алга карай жасаган кадамдарыбыз улам ишенимдүү болууда. Highland Capital бир гана каржы ресурстары менен эмес, долбоорду стратегиялык башкаруу боюнча квалификациялуу жардам жана консалтинг менен бөлүшүүдө.  Бул узак мөөнөттүү өнөктөштүк Кыргызстандагы инвестициялык долбоорлордун чет элдик капиталды тартуусуна дагы бир салымын кошот деп ишенебиз» - дейт Icon Development компаниясынын башкы директору Адилет Дадыбаев.

Фонддун өнөктөшү Эльдан Усубакунов бул макулдашуу боюнча төмөнкүдөй пикирин билдирди: «Биз республикада курулуш тармагынын өнүгүү перспективаларын жогору баалайбыз жана жаңы технологияларды, учурдун архитектурасын өзүнө камтыган уникалдуу курулуш долбооруна катышып жаткандыгыбызга кубанычтабыз. Компаниянын топ менеджменти курулуш, долбоорлоо жана менеджмент  жаатында чоң иш тажрыйбасына ээ адистерден турат».  

Icon Development компаниясы тууралуу

Icon Development – заманбап, кооз жана көркөмдүү турак-жай үйлөрүн курууга адистешкен, тез өнүгүп жаткан девелопердик компания. Турак-жай курулушундагы эң актуалдуу тенденциялар жана Европа стандарттары боюнча мыкты жайлуу алкак менен  камсыздайт.

Компания жана «Малина» турак-жай комплекси тууралуу кошумча маалымат алуу үчүн компаниянын http://www.icon.kg сайтына баш багыңыз.

Highland Capital «Келечек азыркы тапта» урааны алдында «Дасмия» маданий-этнографиялык комплексинде 10-11-октябрда болуп өткөн Бишкек инвестициялык форуму (BIF) 2019дун  демөөрчүсү болду.  Маалымат технологиялары жана каржы технологияларына жеткиликтүүлүк, айымдар ишкерлиги, жашыл технологиялар жана электрондук коммерция негизги темалар болду.  Форумга Кыргызстандан жана коңшу өлкөлөрдөн  келген, жеке да, мамлекеттик да секторлордогу тармактардын кенен алкагынын өкүлү болгон  1000 ашык киши катышты.

Бул жылы BIF менен бирге жергиликтүү бизнес үчүн маанилүү окуя – Эл аралык франшиза жана соода көргөзмөсү болуп өттү. Ал Кыргызстанда жана Борбордук Азиянын башка өлкөлөрүндө бренддин таанымалдуулугун түзүү жана кеңейтүү үчүн Америка Кошмо Штаттарынан, Европа Биримдиги өлкөлөрүнөн жана Жакынкы Чыгыш мамлекеттеринен  бизнес мүмкүнчүлүктөрүн камсыздайт.

Highland Capital  тобу PE Funds (азыркы учурда NBK Capital Partners) 7 жылдык иш тажрыйбасы бар Мирсаид Купуев мырза менен бирге жаңы каржы каражаттары жана тендециялары тууралуу маалыматты арттыруу үчүн 2 мастер-классты өткөрдү. Баяндамачылар Private Equity жана Highland Capital фонддору  тарабынан сунушталган инновациялык каржы продукттарын сунуштады. Ошондой  эле Мирсаид Купуев мырза «Борбордук Азия – дүйнө менен бирге туруктуу өнүгүү» темасы боюнча пленардык талкууга катышты.

БИФ тууралуу маалымат

Бишкек инвестициялык форуму (БИФ) ири ишканалар, өлкөдөгү жана чет элдик инвесторлор, мамлекеттик мекемелердин өкүлдөрү, эл аралык жана жергиликтүү уюмдар, элчиликтер жана иш чөйрөсү менен кичи жана орто бизнестин өкүлдөрү кезиккен платформа болуп саналат. Форумда эң ийгиликтүү жана перспективдүү бизнес-долбоорлор сунушталды, катышуучулар экономикадагы, бизнес чөйрөдөгү жана каржы тармагындагы күтүлгөн тенденцияларды жана өзгөрүүлөрдү, ошондой эле ишкерлер үчүн кызматташуунун жаңы багыттарын талкуулашты.

SME Ventures Forum is an annual forum organized by the IFC for investment funds. This forum provides an excellent opportunity to gain new knowledge in the field of investment fund management, and the opportunity to share experiences with colleagues from other countries.

During the forum, the team also took advanced training courses (Bain and Company, BVCA).

Бишкек шаарындагы алдыңкы жеке мектептердин бири кеңейтүү жана кошумча имарат куруу үчүн $1 млн. өлчөмүндө инвестиция алды.

Highland Capital Ош шаарындагы мектепке чейинки жана мектеп билим берүүсүнүн алдыңкы оператору Купуев академиясы менен өнөктөштүктү баштагандыгын жарыялады. Highland Capital фондунун 800 000 АКШ доллар өлчөмүндөгү инвестициялары Кыргызстандын түштүк аймагында жогорку деңгээлдеги жеке билим берүүнү камсыздоо үчүн атайын заманбап кампусту курууну колдоо аркылуу  алгачкы жолу 2013-жылда түзүлгөн Академиянын  өнүгүүсү үчүн мүмкүнчүлүк түзгөн.

Расмий түрдө 2019-жылдын 30-октябрында ачылган жаңы кампус Купуев академиясынын экинчи кампусу болуп эсептелет жана 330 окуучу бата тургандай заманбап, мыкты жабдылган кабинеттери бар. Жаңы мектеп шаардын борборунда жайгашкан. Окуу планы окуучулардын ойлоп табуучулук жөндөмүн жана өзгөчө ой жүгүртүүсүн өнүктүрүү үчүн сабактан сырткары кошумча сабактар менен толукталган жана так илимдерди, математиканы, англис тилин терең окуп-үйрөнүү каралган КР Билим берүү жана илим министрлигинин талаптарына негизделген. Бул мектептин негиздөөчүлөрү коммерциялык жана социалдык максаттарга дал келген билим берүүнү камсыздоо максаттарына жетүүнү пландаган батыш билим берүүсұн алган прогрессивдүү чеберлер.  

Купуев Академиясынын негиздөөчүлөрүнүн бири: «Купуев академиясы түштүк жергесинин билим берүү тармагында кенен таанылган бренддердин бирине айлануу менен туруктуу өнүгүп жатат. Биздин команда Кыргызстандагы биринчи институционалдык фонд Highland Capital менен кызматташып жаткандыгы үчүн абдан кубанычта. Highland Capital биздин баалуулуктарды жана маданиятты бир бөлүшкөн тилектеш-өнөктөш деп эсептейбиз. Бул инвестициялар түштүк жергесинде алдыңкы мектеп катары биздин позициябызды бекемдейт, ал биздин окуучуларды  келечектеги дүйнөлүк лидерлер катары даярдоого көмөкчү болот».

Калктын 37%нын  жашы 19дан төмөн болгон Кыргызстандын келечеги үчүн билим берүү өтө маанилүү. Ош шаарында гана бир аз бөлүгү жеке мектептерде болгон 66 миң окуучу бар.

Highland Capital башкы жетектөөчү өнөктөшү Чолпонбек Жумашукуров: «Биздин фонд инвестицияларыбыз аркылуу өлкөдөгү билим берүү тармагын өнүктүрүүгө умтулат, ошондой эле биз Купуевдер үй-бүлөсүнүн билим берүүнүү өнүктүрүүгө умтулуусун колдоп жаткандыгыбызга кубанычтабыз. Биз Купуев академиясынын кийинки баскычка көтөрүлүүсүнө жардам берүүгө даярбыз».

Купуев академиясы тууралуу

Купуев академиясы Ош шаарындагы эки кампусу бар, лицензияга ээ билим берүү мекемеси болуп саналат. Мектеп 2013-жылы негизделген жана азыркы учурда 290 окуучусу бар. Уюмдаштыруучулары дүйнөнүн мыкты университеттеринде билим алган бизнес жана каржы жаатындагы мыкты адистер. Кошумча маалымат алуу үчүн, сураныч, http://www.kupuev.academy  сайтына кайрылыңыз.

2019-жылдын 31-майында Highland Capital Европалык Реконструкция жана Өнүгүү банкы (EBRD)  тарабынан уюштурулган “Кичи бизнес – Ийгиликке карай биргеликте” инвестициялык форумуна катышты. Форумга негизги каржы институттар менен катар эле Кыргызстандагы кичи жана орто бизнестин 300гө жакын өкүлдөрү катышты. Башкы жетектөөчү өнөктөш Чолпонбек Джумашукуров пленардык жыйналышка катышкан. Ал учурда Фонддун командасынын калган мүчөлөрү бизнес сессияларга катышып, КОБ үчүн капиталдын өнүгүшүнүн альтернативдүү булактарын тартуу боюнча кеңештерди берген.

2019-жылдын апрелинде Highland Capital институционалдык инвесторлордон, анын ичинде EBRD турган делегацияны тосуп алды. Бир жума ичинде инвесторлор Фонддун портфелин, Highland Capital командасын жана процесстерин, ошондой эле Кыргызстандын экономикасын жана финансы рыногун изилдеди.

Highland Capital алдыңкы курулуш материалдарын өндүрүүчү Кант Кант ТШИ (Кант түтүк-шифер ишканасы) ЖЧКсына 500 000 АКШ доллар инвестиция кылды, муну менен ал компаниянын кийинки өнүгүүсүн колдоду. Highland Capital инвестициялары Кант ТШИна өлкөнүн түштүк аймагында заводду иштетүүгө мүмкүнчүлүк берет, ал өз кезегинде компаниянын операциялык чыгымдарын кескин түрдө азайтып, түштүк жергесинде жергиликтүү өндүрүштүн курулуш материалдарына болгон жеткиликтүүлүгүн  кеңейтет.

Курулуш тармагы Кыргызстандын экономикалык өнүгүүсүндө алдыңкы орунду ээлейт жана жалпысынан өнүгүп жаткан өлкөлөр үчүн чечүүчү ролго ээ.

Кант ТШИ ЖЧКсы аймактагы эң ири тунуке материалдарын өндүрүүчүлөрдүн бири жана ар бир өнүмдүн түрү мамлекеттик шайкештик сертификаттары менен тастыкталган, жогорку сапаттуу хризотилцементтик продукцияны чыгарган Кыргыз Республикасынын аймагындагы жалгыз ишкана болуп саналат. Компания өзүн өнүгүүнүн туруктуу мүмкүнчүлүктөрүнө ээ болгон рыноктун лидери катары тааныта алды.

2018-жылдын 1-ноябрында Орион мейманканасында Фонддун расмий бет ачары болуп өттү. Бет ачарга бизнестин, эл аралык каржы уюмдарынын жана мамлекеттик түзүмдөрдүн, аны менен бирге Кыргыз Республикасынын Инвестицияларды илгерилетүү жана коргоо боюнча агенттигинин өкүлдөрү катышты.

Бет ачарда Кыргызстандагы Эл аралык каржы корпорациясынын жетекчиси Мартин Негеле:  «Кыргыз Республикасы биз үчүн артыкчылыктуу, ал стратегиялык өлкө.  Аймактарда экономикалык өнүгүүнүн  оң факторлору улам артып жаткандыгын көрүп жатасыздар. Биз чыныгы тармакка инвестиция кылуу үчүн азыр  жакшы  мезгил деп ойлойбуз» - деп айтты.

Башкы жетектөөчү өнөктөш Чолпонбек Джумашукуров ишканаларды тандоонун негизги критерийлерин белгилей кетти: «Ал учурда иштеп жаткан, зыян тарттырбаган, чоң өнүгүү потенциалына ээ, жогорку киреше алып келе турган  бизнес болушу керек, ал эми ишкерлер өнүгүүнүн жана бизнес билиминин улам кийинки деңгээлине чыгуусу керек болуп, жогорку амбицияларга ээ болушу керек».

Кыргызстандын экономика министринин орун басары Эльдар Абакиров да Кыргызстандагы түздөн-түз инвестициялардын биринчи  инвестициялык фондунун ачылышы тууралуу пикирин билдирди: «Бул биздин өлкөдө инвестициялык климаттын жакшыргандыгынан, биздин жеке бизнесибизге болгон инвесторлордун ишеними тууралуу кабар берет. Биз мамлекет катары жалпысынан мыйзам жана аткаруу жагынан инвестициялык чөйрөнү камсыздайбыз».

SME Ventures Forum – бул IFC инвестициялык фонддор үчүн өткөрө турган ар жылдык форум. Бул форум инвестициялык фонддорду башкаруу жаатында жаңы билим алуу мүмкүнчүлүгүн, ошондой эле башка өлкөлөрдөн келген кесиптештер менен тажрыйба алмашуу мүмкүнчүлүгүн берет. Форумга CDC, Norfund, EBRD, DGGF, Shell Foundation, SIFEM/Obviam, FMO сыяктуу институционалдык инвесторлор чакырылган. Форумдун жүрүшүндө Highland Capital институционалдык инвесторлордун алдында Фонддун бет ачарын жасоо мүмкүнчүлүгүнө ээ болду.

Highland Capital түз жана мезониндик инвестициялардын фонду (мындан ары Фонд) 15 миллион доллар өлчөмүндөгү инвестициялык капиталга ээ биринчи раунддун жабыла тургандыгын жарыялады. Жалпысынан Фонд 30 миллион долларды тартууну жана 2020-жылдын февраль айына толук жабылууну өткөрүүнү пландоодо.

Эл аралык каржы корпорациясы (мындан ары IFC), Дүйнөлүк банк тобунун мүчөсү Кыргыз Республикасында кичи жана орто бизнести (КОБ) каржылоого болгон жеткиликтүүлүктү кеңейтүү үчүн 8 миллион АКШ долларын фондко инвестиция кылат. IFC сырткары фонддун инвесторлору арасында фонддун биринчи эл аралык инвестору Грегори Серрурьер мырза жана урматтуу жергиликтүү бизнесмен Эмиль Уметалиев мырза да бар.

Азыркы учурда 15 миллион доллар өлчөмүндө кепилденген капиталга ээ болуу менен, түз инвестициялардын жана мезониндик каржылоонун жаңы Фонду  Highland Capital Кыргыз Республикасындагы түз инвестициялардын биринчи институционалдык фонду болуп саналат. Фонд Кыргызстандагы кичи жана орто бизнеске кызмат көрсөтүү, айыл чарба продукциясын кайрадан иштетүү, саламаттыкты сактоо, билим берүү, телекоммуникация,  массалык маалымат каражаттары жана технологиялар тармагында акционердик жана квази-акционердик каржылоону камсыздайт. Бул өтө маанилүү, анткени өлкөдөгү майда ишканалар көбүнчө кеңейүү үчүн керектүү капиталга жетүүдө  тоскоолдуктарга учурайт. Фонд 800 000 тартып 5 млн АКШ долларына чейинки өлчөмдө капиталдын өсүшүн камсыздайт, ал жумуш орундарынын түзүлүшүнө жана экономикалык өнүгүүгө көмөкчү болуу менен инвестициялардан жакшы кирешелерди алып келет.

Highland Capital башкы жетектөөчү өнөктөшү  Чолпон Джумашукуров: «Биз IFC жана башка жеке инвесторлор менен бирге жогорку квалификациялуу диверсификацияланган базаны түзгөндүгүбүз үчүн өтө кубанычтабыз. Ошондой эле, биздин фондко инвестиция кылуу менен биздин командага жана ыкмаларыбызга ишенген Эмиль Уметалиевке жана Грегори Серрюрьеге ыраазычылык билдиребиз. Биздин инвестициялык ыкма жергиликтүү рынок үчүн өтө ылайыктуу, анткени ал тобокелчилик капиталдын жетишсиздиги деп аталган көйгөйдү чечет. Биз көптөгөн жакшы инвестициялык мүмкүнчүлүктөрдү көрүп, биздин команда капиталды камсыздоодон сырткары олуттуу баалуулукту кошо тургандай инвестицияларды тандайбыз» - деп айтты.

Башкаруунун күчтүү системаларын жана корпоративдик башкаруу тажрыйбасын өнүктүрүүгө жардам берүү менен IFC каржылоосу Фондко акционердик  жана квази-акционердик каржылоо формасында кичи жана орто бизнестин 15ке жакын ишканасын капитал менен камсыздоого жардам берет. Highland Capital жалпысынан 30 миллион долларды тартууну жана 2020-жылдын февраль айына карата толук жабууну өткөрүүнү пландап жатат.

IFC Борбордук Азия боюнча аймактык менеджери Кассандра Колберт: «IFC бул салымы КОБ үчүн инвестицияларды тартуу боюнча биздин жалпы программанын бир  бөлүгү болуп саналат, ал түз инвестициялар фонддорунун жергиликтүү рыногун түзүүдө катализатор болуп калышы мүмкүн. Өлкөдөгү түз инвестицилардын биринчи фондун колдоо менен  биз Кыргызстандын түз инвестициялар фонддоруна салым кошуу мүмкүнчүлүгүн караган башка чет  элдик инвесторлорго жагымдуу сигналды жибере алабыз деп ишенебиз» - деп билдирди

Highland Capital  колдонгон жергиликтүү билимдер жана инвестицияларга болгон жеке ыкмалар  мамлекеттин тез өнүгүүчү тармактарын, анын валюта боюнча либералдык системасын жана капиталдын репатриациясын, өсүп жаткан орто класстагы калкты жана жагымдуу макроэкономикалык  чөйрөнү капиталдаштыруу үчүн бардык мүмкүнчүлүктөрү бар.

Форумга Түштүк Африкадан, Батыш Африкадан, Жакынкы Чыгыштан, Түштүк Азиядан, Борбор Азиядан, Түштүк Азиядан, Борбордук Америкадан жана Түштүк Америкадан фонддорду башкаруу боюнча 18 топ катышты. Алар өнүгүп келе жаткан рыноктору бар өлкөлөрдө башкаруучу компаниялардын алдында турган жалпы көйгөйлөрдү аныктоого багытталган кызуу талкууларга жана жумушчу топторго катышты, анын ичинде: жергиликтүү жана эл аралык инвестициялык компаниялар менен катар каражаттарды топтоонун узак процесси; узак мөөнөт шарттарында жана биринчи бүтүмдү жапкан учурга чейин бардык болгон бүтүмдөрдөн турган натыйжалуу портфелди түзүү; инвестициялык компаниялар менен операциялык чыгымдар боюнча татаал талкууларды башкаруу; жана баштапкы Инвестициялардан тартып алардан чыгууга чейин портфелдик компанияларда наркты түзүү.

Форумдун жүрүшүндө IFC менен жолугушуу өттү жана фонддун инвестору катары IFC потенциалдуу катышуу маселелери талкууланды.

Highland Capital 8-декабрда «Дамас» отелинде өткөн Бишкек инвестициялык форумунун (BIF) 2016 демөөрчүсү болду. Фонддун улук өнөктөшү Чолпонбек Жумашукуров форумдун спикери болду.

БИФ тууралуу маалымат

Бишкек инвестициялык форуму (БИФ) ири ишканалар, өлкөдөгү жана чет элдик инвесторлор, мамлекеттик мекемелердин өкүлдөрү, эл аралык жана жергиликтүү уюмдар, элчиликтер жана иш чөйрөсү менен кичи жана орто бизнестин өкүлдөрү кезиккен платформа болуп саналат. Форумда эң ийгиликтүү жана перспективдүү бизнес-долбоорлор сунушталды, катышуучулар экономикадагы, бизнес чөйрөдөгү жана каржы тармагындагы күтүлгөн тенденцияларды жана өзгөрүүлөрдү, ошондой эле ишкерлер үчүн кызматташуунун жаңы багыттарын талкуулашты.

Григорьевка айылында (Ысык-Көл областы, Кыргызстан) жайгашкан «Григорьевский Сад» дыйканчылык фермер чарбасы (ДФЧ) Nakktai соода маркасынын астында жергиликтүү экологиялык таза жер-жемиштерден түздөн-түз сыгып алуучу шире өндүрүү менен алектенет. «Nakktai» ширеси – бул Ысык-Көл областында өстүрүлгөн жаңы, накта жемиштерди жана жашылчаларды механикалык сыгып алуу аркылуу өндүрүлгөн, 100% накта түздөн-түз сыгып алуучу шире.

Highland Capital командасы Чолпонбек Жумашукуровдун жана Элдан Усбукановдун атынан Гонконг шаарында EMPEA (ассоциация) өткөргөн Private Equity Masterclass катышты. Мастеркласс пайдалуу болду жана алган билим андан ары фонддун  концепциясын жана негизги шарттарын түзүү үчүн пайдаланылды.

Ошондой эле Asia Private Equity Forum 2016 форумуна катышты.

Бул сапардын жүрүшүндө Highland Capital командасы Фонддун потенциалдуу инвесторлору менен алгачкы жолугушууларды өткөрө алды.

Адал Азык компаниясы өзүн мыкты катары көрсөтө алган «Тойбосс» бренди жана дистрибуциянын түз каналдары менен Кыргызстанда колбаса өндүрүү боюнча лидерлердин үчтүгүнө кирет. Компания өсүүнүн жогорку көрсөткүчтөрүн көрсөтүү менен, жакшы беделге ээ болгон ага-ини үч ишкерге таандык жана алар тарабынан башкарылат.

Тойбосс жаңы өндүрүштүк комплексти жана өзүнүн мал союучу цехин курду, муну менен өндүрүштүн кубаттуулугун көп эсе жогорулатты. 2017-жылы компаниясы FSSC жана ISO тастыктамаларын алды, бул компанияга өндүрүмдү Казакстанга жана Евразия экономикалык бирлигинин башка мүчө мамлекеттерине экспорттоону шарттайт.

Бургер Хаус (Burger House) мыкты бургерлерге адистешкен, тез тамактануу рестораны. Берилген инвестиция Бургер Хаус ресторанына Бишкекте монобургерлердин биринчи концепт рестораны болуу жана бул бош рыноктук үлүштү ээлөө мүмкүнчүлүгүн берди. Сапаттуу ингредиенттер жана тез тейлөө менен ВН концепциясы fast food секторунан fast casual секторуна глобалдык өтүү убагында утушка ээ болот. БХ (BH) дүйнөлүк тез тамактануу франшизасын сатып алууга жана импорттук тоңдурулган ингредиенттерди пайдаланууга салыштырмалуу, жергиликтүү жогорку сапаттуу жаңы эттин жана ингредиенттердин негизинде премиум-класстагы жергиликтүү брендди өнүктүрүү мүмкүнчүлүгүн сунуштайт. 15 жылдан ашык иш тажрыйбасы бар Maverick Consultants америкалык ресторандык консалтинг компаниясы менен кызматташтык ресторанды иштетүүгө жана баштапкы тобокелдикти төмөндөтүүгө жардам берди.